Idhar-Udhar

Justajoo udhar bhi thi ,
Arzoo idhar bhi thi ,
Fark sirf itna tha ki taraste hum hi the.
 
Shama udhar bhi thi,
Parwana idhar bhi tha,
Fark sirf itna tha ki jalte hum hi the.
 
Khamoshi udhar bhi thi,
sannata idhar bhi tha,
Fark sirf itna tha ki samajhte wo hi the.
 
Chandni udhar bhi thi ,
Din ka ujala idhar bhi tha,
Fark sirf itna tha ki roshan wo hi the.


Paimane udhar bhi the,
Jaam idhar bhi tha,
Fark sirf itna tha ki peete hum hi the.
 
Madhushala udhar bhi thi,
Maikhana idhar bhi tha,
Fark sirf itna tha ki madhosh hum hi the.
 
Chahat udhar bhi thi,
Ibaadat idhar bhi thi,
Fark sirf itna tha ki maante wo hi the.
 
Mastane udhar bhi the,
Deewana idhar bhi tha,
Fark sirf itna tha ki jaante hum hi the.
 
Jannat udhar thi unke paas,
Kayamat idhar thi humare saath,
Koi fark nahi tha, kyun ki samajhte hum dono hi the ...

SAPNE

Surmai aankhon se dekhe hue sapne,
Geeli aankhon se dekhe hue sapne,
Kuch muskurate, kuch gambhir sapne...

Soye nainon se dekhe hue sapne,
Jaagi aankhon se hanste hue sapne,
Din ke jagmagate sapne,
Raat ke andhere mein tim-timate sapne

Kuch purane, kuch naye sapne,
Kuch milne milane ke sapne,
Kuch bichde, khoye sapne...

Kuch khushi mein muskurate sapne,
Kuch gam ke gambhir sapne,
Kuch paani mein tairte sapne,
Kuch aasmaan mein udte hue sapne...

Kuch dil jodne ke sapne,
Kuch toote dil ke sapne,
Kuch apne, kuch paraye sapne...

Kuch roz, kuch kabhi kabhi dekhe hue sapne,
Kuch chunauti se bhare sapne,
Kuch aasaan se, kuch beimaan se sapne,
Kuch meethe, kuch khatte sapne....

Jaise bhi ho sapne
Bas sukoon se jee le, aise apne ho sapne....

Zinda Ho TUM

apni tamannao ko koshishon mein badal rahe ho toh zinda ho tum

apni koshishon ko anzaam tak le jane k liye ladd rahe toh zinda ho tum

unn tamaam sapno ko haqekaat mein badal rahe ho toh zinda ho tum..

kisi aur k liye ni-swaarth jhagad rahe ho toh zinda ho tum..

ek dariya ki tarah kisi maha sagar se milne ki tamnna hai toh zinda ho tum ..

kuch khamoshiyon mein chupi aawaaj ko sunn sakte ho toh zinda ho tum ..

Raat k andhere ko door karne wali uss chingari ki raakh ki ahmiyat samjhte ho toh zinda ho tum ..

Jindagi jine ka naam hai hur pal uuse ji rahe ho toh zinda ho tum ...

KYA KAHEIN ..

Jub wo pass aa apne haath humare haath k pass table pe rakhte hain
 kya kahein kya sitam dhate hain …

Jub wo barish k paani mein pairon se chap-chap karte hain
kya kahein wo boondein kya sitam dhate hain …

Wo laal rang k kurte mein jub chat pe dikhte hain …
kya kaahen wo lali kitna dil pe aaghat karti hain ….

Jub wo aarti se pehle humein khich k le jate hain mandir k samne
Lagta hai bus aise hi khichta chala jaoon unka haath thamein ….

Jub wo andhere mein chiraag ki rooshni mein baatein kartein hain'
kya kahen hum munn hi munn bahut kuch kehh jate hain …

Ghanto intazaar karna unke milne ka, Aur unse milte hi
kya kahen sare shubd kahin kho jatein hain ….

Ghanto munn hi munn unse kayi batein karte hain 
kya kahen Unke saath sirf unko sunne ki iccha hoti hai …

Kuch nazdeekiyan unse aisi badhi
kya kahen unki aawaj sune bina aab din nahi dhalta ..

Unki hussi pehchaane ki aisi aadat si ho gayi
kya kahen aankhein unhe apne aap bheed mein dhundhne lagti hain ….

Unke pass hone ka aihsaas itna prabal hai
kya kahen akele bhi unke payal ki khanak sunai deti hai ….

Kuch riston ka koi naam nahi hota
kya kahen humara rista hi kuch aisa hai …

Raah

Aaj hasraton ne phir sar uthaya,
Dil ki tamanna aaj phir jaagi....
Sabse pehle dil ne dimaag ko sulaya,
Dimaag chote bacche ki tarah muskuraya....

Kahan gayi wo school na jaane ki khushi?
kahan gaya wo imtihaan ke waqt na khelne ka gam?

Kyun aaj garmiyon ki chutti ka intezaar nahi hota?
kahan gaya wo baarishon mein khidkiyon pe baithe rehne ka maza?

Nahi sunayi deti baarish mein apne pairon ki chup chup,
Nahi karte pakodon ke saath ghar mein ghanton gup-shup...

Na wo churan wala gali mein dikhayi deta,
Na hi jhaal mudi (bhel) ki ghanti sunayi deti...

Na bahar jaane ki zidd karte ab,
Na apne ghar mein hi shakkar ki chori....

Na chipan chipayi ka khel hai,
Na lock and key ka mel hai....

Na nukkad ki dukaan ki jalebi hai kahin,
Na hi hoogly nadi ka kinara.....

Hai to sirf anjani sadak pe anjane chehre,
Aur raah chalte anjaan musafir....

Ek hawa ka jhonka

Ek hawa ka jhonka in baazuon
ko sehlate hue aise guzar gaya jaise
Koi ithlati hui purwayi ched jaye
meri tanhayi ko …

Kuch yaadon se jab palken
bheegne lagti hain
Unki tasveer dekh tab
do do shaklen dikhne lagti hain...

Ek lambi si khamoshi hoti
hai in labon pe
Kehti hai chalo ghoom aayen
beete lamho ke kandhe pe...

Kuch safar yun beet rahen hain tanha
jaise umar guzar gayi ho iss kadar tanha
Kuch apne jinhe piche chod aayen hain
din unke bhi basar ho rahe tanha....

EK Ladki

Hasti thi hasaati thi n jane kitna sataati thi
Hur baat mein ek sapna tha jaise

Ya hur sapne mein ek baat thi uske
Hur rooz wo ek naye roop mein dikhti thi
hur roop mein lagti sungemar-mar ki tarah

Hotoon pe humesa muskaan rehti thi
Bina kuch bole bahut kuch kehti thi

Aankhen thi uski neeli jheel ki tarah
Mili thi mujhse khwaboon ki tarah
Mere hothoon ko chu gayi ek gazaal ki tarah

Dooniya k sare gum bhula de
Usske hoothon pe aisi muskaan rehti thi

Phool k aagosh mein ek subnum ki tarah
Uski adaaein thi mausam ki tarah


Mere dil k hur kone ko chu
Laut gayi wo sagar ki tarah ……