Pehli baarish ki boond
Jub ghaas pe girti hai to aisa lagta hai
Jaise ek maa apne nanhe bache ko aalingan mein le rahi ho
Jaise uss sukhe ghaas ko naya jeevan mil haya ho
Jub sukhe patto pe padti hai to aisa lagta hai
Jaise premi aur premika bade din baad mile ho
Jaise wo patta issliye nahi gira kyun ki usse uss boond ka intazaar tha
Pehli baarish ki boond
Jub ek aawaara tidde ko chhute hai to lagta hai
Jaise ek kishor ko apna munn chaha khilona milgaya ho
Jaise uss tidde ko apna jeevan safal nazzar aata ho
Jub sadak ke beghar pe padti hai to aisa lagta hai
Jaise ek maa apne bache ko seema paar ladne jate dekh garv karti ho aur munn hi munn ghabrati ho
Jaise uss beghar ko pehli baar apne ghar na hone ka dukh n ho
Pehli baarish ki boond
Jub ek nauyuvak k kandko pe girti hai to aisa lagta hai
Jaise kisi ka aanchal lehrata hua chere ko chu jaye
Jaise uss yuvak ko ek nayi disha naya josh mil gaya ho
Jub ek vriddh vyakti pur girti hai to lagta hai
Jaise koi pota apne dada ka haath pakad chalna seekh raha ho
Jaise uss vriddh ko apne pehle pyar ki yaad dila rahi ho
Jub kisi pardeshi pe pardesh mein girti hai to lagta hai
Jaise usske desh se uske apno ka sandesha aaya ho
Jaise pardeshi ko apne mitti ki yaad dila rahi ho
Aur ant mein
Pehli baarish ki boond
Jub hum jaisoon pe girti hai to lagta hai
Jaise talaab ke paani ki machliyan samundra se mili ho
Jaise prakriti apne sarva shreshth hone ka aehasaas dila rahi ho
No comments:
Post a Comment